緣份半爿缺
https://www.youtube.com/watch?v=nFuxGikAwwc
《緣份半爿缺》Iân-hūn Puànn-pîng Khih
江志豐Kang Tsì-hong
——————————————
雄雄流一陣傷心淚
hiông-hiông lâu tsi̍t-tsūn siong-sim luī
將我對想你的夢中驚醒
tsiong guá tuì siūnn lí ê bāng-tiong kiann tshínn
枕頭上兩逝字
tsím-thâu siōng nn̄g-tsuā jī
想欲喝你
siūnn-beh huah lí
無人應
bô-lâng ìn
心愛的
sim-ài–ê
你佇佗位
lí tī tó-uī
敢是天公伯仔
kám-sī thinn-kong-peh-á
伊刁故意拍阮醒
i tiau-kòo-ì phah gún tshínn
毋甘看我遮爾想你
m̄-kam khuànn guá tsiah-nī siūnn lí
緣份半爿缺
iân-hūn puànn-pîng khih
心也離
sim iā lî
變成我是我
piàn-sîng guá sī guá
你是你
lí sī lí
從今後無你的日子
tsiông-kim-āu bô lí ê ji̍t-tsí
我的心欲佗位去
guá ê sim beh tó-uī khì
陪你行的路
puê lí kiânn ê lōo
淋過雨水
lâm kuè hōo-tsuí
生活攏是你的氣味
sing-ua̍h lóng-sī lí ê khì-bī
毋知影無我的日子
m̄ tsai-iánn bô guá ê ji̍t-tsí
敢有伊溫柔疼惜你
kám ū i un-jiû thiànn-sioh lí
親像我愛你的過去
tshin-tshiūnn guá ài lí ê kuè-khì
日日夜夜點點滴滴
ji̍t-ji̍t-iā-iā tiám-tiám-tih-tih
我用真心祝福你
guá iōng tsin-sim tsiok-hok lí
望再見
bāng tsài-kìnn
望你幸福快樂過日子
bāng lí hīng-hok khuài-lo̍k kuè ji̍t-tsí
