疼甲講袂出聲
《疼甲講袂出聲》Thiànn Kah Kóng Buē Tshut-siann
江志豐Kang Tsì-hong
——————————————
愛你到遮
ài lí kàu tsia
才知驚
tsiah tsai kiann
看著傷痕
khuànn-tio̍h siong-hûn
才知影疼
tsiah tsai-iánn thiànn
山盟
san-bîng
予我情深的拖磨
hōo guá tsîng tshim ê thua-buâ
海誓
hái-sè
是欠你輪迴的命
sī khiàm lí lûn-huê ê miā
一生青春陪你行
it-sing tshing-tshun puê lí kiânn
你用絕情佮阮換
lí iōng tsua̍t-tsîng kah gún uānn
熱情的性命共你疼
jia̍t-tsîng ê sìnn-miā kā lí thiànn
你就是寂寞佮孤單
lí tiō-sī tsi̍k-bo̍k kah koo-tuann
請你著摸著你的心肝
tshiánn lí tio̍h bong tio̍h lí ê sim-kuann
我的犧牲敢無夠大
guá ê hi-sing kám bô-kàu tuā
愛佮恨
ài kah hūn
叫阮怎樣看破
kiò gún tsuánn-iūnn khuànn-phuà
我的心
guá ê sim
疼甲講袂出聲
thiànn kah kóng buē tshut-siann
