瀟灑如風
https://www.youtube.com/watch?v=-NZJ2PwOb4A
《瀟灑如風》Siau-sá Jû-hong
江志豐Kang Tsì-hong
——————————————
我就是一陣風
guá tsiū-sī tsi̍t-tsūn hong
來無影去無蹤
lâi bû iánn khì bû tsong
走揣一生的理想
tsáu-tshuē it-sing ê lí-sióng
甘願四界去流浪
kam-guān sì-kè khì liû-lōng
我就是一陣風
guá tsiū-sī tsi̍t-tsūn hong
掠袂牢的海浪
lia̍h buē-tiâu ê hái-lōng
無人知影欲去佗
bô-lâng tsai-iánn beh khì toh
心內的話怎形容
sim-lāi ê uē tsuánn hîng-iông
無奈何是苦衷
bô-nāi-hô sī khóo-thiong
一句話展英雄
tsi̍t-kù uē tián ing-hiông
人情世事啊
jîn-tsîng-sè-sū–ah
浸久變江湖
tsìm kú piàn kang-ôo
我對人生的態度
guá tuì jîn-sing ê thāi-tōo
男兒立志在四方
lâm-jî li̍p-tsì tsāi sù-hong
紛紛擾擾無風度
hun-hun-jiáu-jiáu bô hong-tōo
何必計較白佮烏
hô-pit kè-kàu pe̍h kah oo
我對人生的態度
guá tuì jîn-sing ê thāi-tōo
追求堅持的幸福
tui-kiû kian-tshî ê hīng-hok
外頭風聲
guā-thâu hong-siann
對阮按怎講
tuì gún án-tsuánn kóng
時間總會來證明
sî-kan tsóng ē lâi tsìng-bîng
我瀟灑如風
guá siau-sá jû-hong
