望春的心情
《望春的心情》Bāng Tshun ê Sim-tsîng
江音Kang Im (江美麗Kang Bí-lē)
——————————————
你知阮也知
lí tsai gún iā tsai
無奈無奈
bô-nāi bô-nāi
親像秋雨的目屎
tshin-tshiūnn tshiu-ú ê ba̍k-sái
滴滴拍在阮心內
tih-tih phah tsāi gún sim-lāi
你知阮也知
lí tsai gún iā tsai
期待期待
kî-thāi kî-thāi
親像望春的心情
tshin-tshiūnn bāng tshun ê sim-tsîng
日日向望咱的愛
ji̍t-ji̍t ǹg-bāng lán ê ài
雨水的滴聲
hōo-tsuí ê tih-siann
輕輕叫著阮的名
khin-khin kiò tio̍h gún ê miâ
滴滴答答
tih-tih-tah-tah
滴滴答答滴
tih-tih-tah-tah tih
聲聲阮愛聽
siann-siann gún ài thiann
春風的呼聲
tshun-hong ê hoo-siann
陣陣吹來你的影
tsūn-tsūn tshue lâi lí ê iánn
嗯~嗯~嗯~嗯~嗯~
ngh~ngh~ngh~ngh~ngh~
擾亂阮心情
jiáu-luān gún sim-tsîng
