愛甲攏變調
《愛甲攏變調》Ài Kah Lóng Piàn-tiāu
江宏恩Kang Hông-un
——————————————
踮在無人的港邊
tiàm-tsāi bô-lâng ê káng-pinn
引阮想起咱的情
ín gún siūnn-khí lán ê tsîng
天星猶原閃爍
thinn-tshinn iu-guân siám-sih
加添阮的心稀微
ka-thiam gún ê sim hi-bî
毋是阮佮意相思
m̄-sī gún kah-ì siunn-si
暗淡苦澀的滋味
àm-tām khóo-siap ê tsu-bī
因為阮
in-uī gún
已經付出真情意
í-king hù-tshut tsin tsîng-ì
是毋是愛甲攏變調
sī-m̄-sī ài kah lóng piàn-tiāu
煞來絕情學袂曉
suah lâi tsua̍t-tsîng o̍h buē-hiáu
過去親像
kuè-khì tshin-tshiūnn
變質的唱片
piàn-tsit ê tshiùnn-phìnn
已經攏袂響
í-king lóng buē hiáng
是毋是愛甲攏變調
sī-m̄-sī ài kah lóng piàn-tiāu
只有目屎吞落喉
tsí-ū ba̍k-sái thun lo̍h-âu
一幕幕一齣齣的過去
tsi̍t-bōo-bōo tsi̍t-tshut-tshut ê kuè-khì
叫阮怎樣才會
kiò gún tsuánn-iūnn tsiah ē
放水流
pàng tsuí lâu
