吉他情歌
https://www.youtube.com/watch?v=qgV3BlQxbt0
《吉他情歌》Gì-tah Tsîng-kua
江志豐Kang Tsì-hong
——————————————
揹著一支
phāinn tio̍h tsi̍t-ki
做陣的老吉他
tsuè-tīn ê lāu gì-tah
輕鬆唱著
khin-sang tshiùnn tio̍h
離別的情歌
lî-pia̍t ê tsîng-kua
每一跤步
muí tsi̍t kha-pōo
攏是鹹酸苦汫
lóng-sī kiâm-sng khóo-tsiánn
因為愛你的路途
in-uī ài lí ê lōo-tôo
是真歹行
sī tsin pháinn-kiânn
伴阮身邊
phuānn gún sin-pinn
是阮孤單的影跡
sī gún koo-tuann ê iánn-tsiah
咱來乾杯
lán lâi kan-pue
免講一句話
bián-kóng tsi̍t-kù uē
有你相伨
ū lí sio-thīn
茫茫路我毋驚
bâng-bâng lōo guá m̄-kiann
走揣真愛
tsáu-tshuē tsin-ài
也著拍拚
iā tio̍h phah-piànn
你佮我攏是寂寞的人
lí kah guá lóng-sī tsi̍k-bo̍k ê lâng
想欲開喙無簡單
siūnn-beh khui-tshuì bô kán-tan
堅心走揣
kian-sim tsáu-tshuē
走揣著註定彼个人
tsáu-tshuē tio̍h tsù-tiānn hit ê lâng
雖然定定攏是失望
sui-jiân tiānn-tiānn lóng-sī sit-bāng
你佮我攏是古意的人
lí kah guá lóng-sī kóo-ì ê lâng
想欲白賊無彩工
siūnn-beh pe̍h-tsha̍t bô-tshái-kang
堅心走揣
kian-sim tsáu-tshuē
走揣著愛我彼个人
tsáu-tshuē tio̍h ài guá hit ê lâng
我會永遠愛你
guá ē íng-uán ài lí
過一世人
kuè tsi̍t-sì-lâng
