空喙哺舌
《空喙哺舌》Khang-tshuì-pōo-tsi̍h
向蕙玲Hiòng Huī-lîng
——————————————-
心內凝血
sim-lāi gîng-hueh
怨氣無地敨
uàn-khì bô tè tháu
我像風吹
guá tshiūnn hong-tshue
流浪佇城市戇戇踅
liû-lōng tī siânn-tshī gōng-gōng se̍h
悲歌遮爾酸
pi-kua tsiah-nī sng
為何唱的人攏是我
uī-hô tshiùnn ê lâng lóng sī guá
失敗的愛情
sit-pāi ê ài-tsîng
排在眼前
pâi tsāi gán-tsîng
我是倔強的逃兵
guá sī ku̍t-kiông ê tô-ping
你空喙哺舌講
lí khang-tshuì-pōo-tsi̍h kóng
咱的未來有偌美麗
lán ê bī-lâi ū guā bí-lē
我無顧一切
guá bô-kòo it-tshè
戇戇綴你飛
gōng-gōng tuè lí pue
如今你的身邊換人陪
jû-kim lí ê sin-pinn uānn lâng puê
我變成你擲一邊的破鞋
guá piàn-sîng lí tàn tsi̍t pinn ê phuà-ê
空喙哺舌的山盟海誓
khang-tshuì-pōo-tsi̍h ê san-bîng-hái-sè
傷害愛你的人一个閣一个
siong-hāi ài–lí ê lâng tsi̍t ê koh tsi̍t ê
