月夜伴相思
《月夜伴相思》Gue̍h-iā Phuānn Siunn-si
甲子慧Kah-tsí Huī
——————————————
初次行入愛情海
tshoo tshù kiânn-ji̍p ài-tsîng-hái
戀愛的滋味
luân-ài ê tsu-bī
頭一擺
thâu tsi̍t-pái
一片痴心
tsi̍t-phiàn tshi-sim
來等待
lâi tán-thāi
迎接幸福
gîng-tsiap hīng-hok
好將來
hó tsiong-lâi
感受愛情的熱度
kám-siū ài-tsîng ê jia̍t-tōo
因為愛情
in-uī ài-tsîng
受盡苦楚
siū-tsīn khóo-tshóo
純情女人的向望
sûn-tsîng lú-jîn ê ǹg-bāng
純情美夢變成空
sûn-tsîng bí-bāng piàn-sîng khang
當初牽著阮的手
tong-tshoo khan-tio̍h gún ê tshiú
散步時常行的路
sàn-pōo sî-siông kiânn ê lōo
彼款恩愛的模樣
hit khuán un-ài ê bôo-iūnn
賰阮孤單一直想
tshun gún koo-tuann it-ti̍t siūnn
當初輕鬆的月光暝
tong-tshoo khin-sang ê gue̍h-kng-mî
甜蜜情話掛喙邊
tinn-bi̍t tsîng-uē kuà tshuì-pinn
這陣月夜伴相思
tsit-tsūn gue̍h-iā phuānn siunn-si
心不死
sim put sí
夢袂醒
bāng buē tshínn
