對分
《對分》Tuì-pun
甲子慧Kah-tsí Huī
——————————————
傷心絕望的月光
siong-sim tsua̍t-bōng ê ge̍h-kng
孤單閃爍的天星
koo-tuann siám-sih ê thinn-tshinn
佮人對分的感情
kah lâng tuì-pun ê kám-tsîng
緣份伊敢猶有賰
iân-hūn i kám iáu ū tshun
無你的寂寞暗暝
bô lí ê tsi̍k-bo̍k àm-mî
陪伴阮的相思
puê-phuānn gún ê siunn-si
袂當窮分的愛情
buē-tàng khîng-hun ê ài-tsîng
誰才算第一
siáng tsiah sǹg tē-it
阮親像
gún tshin-tshiūnn
隨風漂流的孤帆
suî hong phiau-liû ê koo-phâng
無伊的孤單心情
bô i ê koo-tuann sim-tsiânn
攑頭看無
gia̍h-thâu khuànn-bô
上光彼粒星
siōng kng hit lia̍p tshinn
烏雲罩霧的目睭
oo-hûn tà-bū ê ba̍k-tsiu
阮總是
gún tsóng-sī
目屎親像雨水滴
ba̍k-sái tshin-tshiūnn hōo-tsuí tih
心碎咧等待你回頭
sim tshuì teh tán-thāi lí huê-thâu
糾纏愛情的戰爭
kiù-tînn ài-tsîng ê tsiàn-tsing
毋願放棄
m̄-guān hòng-khì
疼入心內的名字
thiànn ji̍p sim-lāi ê miâ-jī
