孤船
《孤船》Koo-tsûn
甲子慧Kah-tsí Huī
——————————————
今夜的風雨
kim-iā ê hong-hōo
遮爾大
tsiah-nī tuā
沃阮寂寞的心肝
ak gún tsi̍k-bo̍k ê sim-kuann
冷冷的風
líng-líng ê hong
吹阮孤孤單單
tshue gún koo-koo-tuann-tuann
夢中的情話
bāng-tiong ê tsîng-uē
講袂煞
kóng buē-suah
聲聲句句唱情歌
siann-siann-kù-kù tshiùnn tsîng-kua
當初對咱的咒誓
tong-tshoo tuì lán ê tsiù-tsuā
如今全變卦
jû-kim tsuân piàn-kuà
我親像
guá tshin-tshiūnn
海上孤船
hái-siōng koo-tsûn
揣無靠岸
tshuē-bô khò-huānn
看袂著你的影
khuànn buē-tio̍h lí ê iánn
聽袂著你的聲
thiann buē-tio̍h lí ê siann
我可比吹散的雲
guá khó-pí tshue-suànn ê hûn
無依無倚
bô-i-bô-uá
我只有攬著一領
guá tsí-ū lám tio̍h tsi̍t-niá
澹去的被單
tâm–khì ê phuē-tuann
太陽是你
thài-iông sī lí
月娘就是我
gue̍h-niû tiō-sī guá
永遠永遠
íng-uán íng-uán
攏袂當行相倚
lóng buē-tàng kiânn sio-uá
