你的心敢有我的存在
《你的心敢有我的存在》Lí ê sim Kám Ū Guá ê Tsûn-tsāi
甲子慧Kah-tsí Huī
——————————————
一陣風一陣雨
tsi̍t-tsūn hong tsi̍t-tsūn hōo
拍醒對你的思慕
phah-tshínn tuì lí ê su-bōo
穩定的愛情
ún-tīng ê ài-tsîng
甜蜜的約束
tinn-bi̍t ê iok-sok
一場夢一場空
tsi̍t-tiûnn bāng tsi̍t-tiûnn khang
哪會愛甲袂當放
ná ē ài kah buē-tàng pàng
傷心無地藏
siong-sim bô-tè tshàng
只有威士忌伴阮規暗
tsí-ū ui-sú-kih phuānn gún kui-àm
想欲問你的心內
siūnn-beh mn̄g lí ê sim-lāi
敢嘛有我的存在
kám mā ū guá ê tsûn-tsāi
聲聲句句
siann-siann-kù-kù
貼心的關懷
tah-sim ê kuan-huâi
毋是簡單一兩擺
m̄-sī kán-tan tsi̍t-nn̄g pái
想欲問你的心內
siūnn-beh mn̄g lí ê sim-lāi
敢嘛有我的存在
kám mā ū guá ê tsûn-tsāi
無惜一切
bô-sioh it-tshè
苦苦的等待
khóo-khóo ê tán-thāi
怎樣相信
tsuánn-iūnn siong-sìn
你會毋知
lí ē m̄-tsai
船過水無痕
tsûn kuè tsuí bô hûn
是你造成我的憂悶
sī lí tsō-sîng guá ê iu-būn
