貪心
《貪心》Tham-sim
王瑞霞Ông Suī-hâ
——————————————
親像一齣戲
tshin-tshiūnn tsi̍t-tshut hì
內面只有你佮伊
lāi-bīn tsí-ū lí kah i
演出著舊情綿綿
ián-tshut tio̍h kū-tsîng mî-mî
伊的歡喜
i ê huann-hí
就是阮的傷悲
tsiū-sī gún ê siong-pi
這齣戲欲到何時
tsit tshut hì beh kàu hô-sî
戇戇咧看戲
gōng-gōng teh khuànn-hì
看你佮伊成雙對
khuànn lí kah i sîng-siang-tuì
吞忍著心酸稀微
thun-lún tio̍h sim-sng hi-bî
我的真心
guá ê tsin-sim
較輸伊的芳味
khah-su i ê phang-bī
你的心
lí ê sim
已經拍毋見
í-king phàng-kìnn
為啥物你遮爾貪心
uī-siánn-mih lí tsiah-nī tham-sim
為啥物你遮爾雄心
uī-siánn-mih lí tsiah-nī hiông-sim
一个人雙跤踏雙船
tsi̍t-ê lâng siang-kha ta̍h siang-tsûn
戲弄阮的感情
hì-lāng gún ê kám-tsîng
為啥物你遮爾貪心
uī-siánn-mih lí tsiah-nī tham-sim
阮的心愈來愈冷
gún ê sim jú lâi jú líng
從今以後
tsiông-kim í-āu
毋願為你閣痴情
m̄-guān uī lí koh tshi-tsîng
