春風
《春風》Tshun-hong
王瑞霞Ông Suī-hâ
——————————————
春風吹爽快的心情
tshun-hong tshue sóng-khuài ê sim-tsiânn
感覺真快活
kám-kak tsin khuìnn-ua̍h
咱兩人一台跤踏車
lán nn̄g-lâng tsi̍t-tâi kha-ta̍h-tshia
歡喜四界行
huann-hí sì-kè kiânn
倚踮你的尻脊骿
uá tiàm lí ê kha-tsiah-phiann
溫暖阮心肝
un-luán gún sim-kuann
阮只要有你來做伴
gún tsí-iàu ū lí lâi tsuè-phuānn
啥物攏毋驚
siánn-mih lóng m̄-kiann
幸福到底是啥感覺
hīng-hok tàu-té sī siánn kám-kak
是有你做阮的伴
sī ū lí tsuè gún ê phuānn
因為你將阮惜命命
in-uī lí tsiong gún sioh-miā-miā
阮心內真正感謝
gún sim-lāi tsin-tsiànn kám-siā
幸福的歌聲
hīng-hok ê kua-siann
唱袂煞
tshiùnn buē-suah
阮只愛唱予你聽
gún tsí ài tshiùnn hōo lí thiann
因為愛
in-uī ài
將咱牽相倚
tsiong lán khan sio-uá
緣份是天註定
iân-hūn sī thinn tsù-tiānn
