快樂人生
《快樂人生》Khuài-lo̍k Jîn-sing
王瑞霞Ông Suī-hâ
——————————————
有人恬恬激戇
ū-lâng tiām-tiām kik-gōng
有人大聲相嚷
ū-lâng tuā-siann sio-jióng
這款計較
tsit khuán kè-kàu
阮看攏無
gún khuànn lóng bô
有人需要力量
ū-lâng su-iàu li̍k-liōng
有人需要振作
ū-lâng su-iàu tsín-tsok
親像一齣戲
tshin-tshiūnn tsi̍t-tshut hì
來感動
lâi kám-tōng
有人想欲繼續
ū-lâng siūnn-beh kè-sio̍k
為錢為愛走傱
uī tsînn uī ài tsáu-tsông
你敢袂當照步來做
lí kám buē-tàng tsiàu-pōo lâi tsò
伊講生活艱苦
i kóng sing-ua̍h kan-khóo
你講你無願望
lí kóng lí bô guān-bōng
阮是食苦當做食補
gún sī tsia̍h-khóo tòng-tsuè tsia̍h-póo
啊~人生想欲快樂
ah~ jîn-sing siūnn-beh khuài-lo̍k
感恩囥在心中
kám-un khǹg tsāi sim-tiong
啊~聽講按呢
ah~ thiann-kóng án-ne
才會健康
tsiah ē kiān-khong
啊~人生想欲快樂
ah~ jîn-sing siūnn-beh khuài-lo̍k
無煩無惱
bô-huân bô-lóo
這就是上大的幸福
tse tiō-sī siōng tuā ê hīng-hok
多謝你的關心
to-siā lí ê kuan-sim
多謝你的照顧
to-siā lí ê tsiàu-kòo
毋免替阮來拍分數
m̄-bián thè gún lâi phah hun-sòo
毋管偌濟風雨
m̄-kuán guā-tsuē hong-hōo
毋管偌濟阻擋
m̄-kuán guā-tsuē tsóo-tòng
做你自己的英雄
tsuè lí tsū-kí ê ing-hiông
