多情多怨嘆
《多情多怨嘆》To-tsîng To Uàn-thàn
王瑞霞Ông Suī-hâ
——————————————
等無想欲等的人
tán-bô siūnn-beh tán ê lâng
做無想欲做的夢
tsuè bô siūnn-beh tsuè ê bāng
一切是忽然間
it-tshè sī hut-jiân-kan
你雄雄變無仝
lí hiông-hiông piàn bô-kāng
親像地裂山崩
tshin-tshiūnn tē li̍h suann pang
身邊經過千萬人
sin-pinn king-kuè tshian-bān lâng
你來飛入阮心窗
lí lâi pue ji̍p gún sim-thang
談情愛真簡單
tâm tsîng-ài tsin kán-tan
欲收回太困難
beh siu-huê thài khùn-lân
怪阮痴心太重
kuài gún tshi-sim thài tāng
深情付出成空
tshim-tsîng hù-tshut sîng-khang
茫茫怎樣會堪
bâng-bâng tsuánn-iūnn ē-kham
偏偏天
phian-phian thinn
將阮風雨淋
tsiong gún hong-hōo lâm
笑看世間冷暖
tshiò khuànn sè-kan líng-luán
人是做對成雙
lâng sī tsuè-tuì sîng-siang
只有阮
tsí-ū gún
是多情多怨嘆
sī to-tsîng to uàn-thàn
猶原是忍淚承擔
iu-guân sī jím-luī sîng-tam
