心愛的愛別人
《心愛的愛別人》Sim-ài–ê Ài Pa̍t-lâng
王瑞霞Ông Suī-hâ
——————————————
阮心愛的彼个人
gún sim-ài ê hit ê lâng
予阮用一生一直等
hōo gún iōng it-sing it-ti̍t tán
歡喜欲佮你見面
huann-hí beh kah lí kìnn-bīn
用心的打扮
iōng-sim ê tánn-pān
結果完全是無彩工
kiat-kó uân-tsuân sī bô-tshái-kang
叫一聲心愛的人
kiò tsi̍t-siann sim-ài ê lâng
阮無求日子過啥款
gún bô kiû ji̍t-tsí kuè siánn-khuán
怎堪予阮
tsuánn kham hōo gún
對日時等到黃昏暗
tuì ji̍t–sî tán-kàu hông-hun àm
又閣對著月娘悲嘆
iū-koh tuì tio̍h gue̍h-niû pi-thàn
想著你目箍紅
siūnn-tio̍h lí ba̍k-khoo âng
心肝攏予你來擾亂
sim-kuann lóng hōo lí lâi jiáu-luān
無愛心毋甘
bô-ài sim m̄-kam
欲愛閣心煩
beh ài koh sim huân
目屎又閣來流規暗
ba̍k-sái iū-koh lâi lâu kui-àm
心愛的
sim-ài–ê
心愛的
sim-ài–ê
請毋通反背阮
tshiánn m̄-thang huán-puē gún
去愛別人
khì ài pa̍t-lâng
