望月圓
《望月圓》Bāng Gue̍h-înn
方順吉Png Sūn-kiat
——————————————
天星暗淡月袂圓
thinn-tshinn àm-tām gue̍h buē înn
傷心珠淚滴
siong-sim tsu-luī tih
滿腹心酸掰袂離
muá-pak sim-sng pué buē-lī
思念隨風紛飛
su-liām suî hong hun-hui
心愛你是去佗位
sim-ài lí sī khì tó-uī
為何攏無相辭
uī-hô lóng bô sio-sî
放阮夜夜相思
pàng gún iā-iā siunn-si
等待你
tán-thāi lí
為情心疼醉規暝
uī tsîng sim thiànn tsuì kui-mî
只有夢中來相見
tsí-ū bāng-tiong lâi sio-kìnn
望你轉來阮身邊
bāng lí tńg-lâi gún sin-pinn
轉眼春來又秋去
tsuán-gán tshun lâi iū tshiu khì
為愛拈線補情絲
uī ài liam suànn póo tsîng-si
一針一線
tsi̍t-tsiam tsi̍t-suànn
攏是纏綿
lóng-sī tînn-mî
受傷的心
siū-siong ê sim
怎樣才補會平
tsuánn-iūnn tsiah póo ē pînn
