情淚
《情淚》Tsîng-luī
方順吉Png Sūn-kiat
——————————————
今夜寒風冷吱吱
kim-iā hân-hong líng-ki-ki
心愛你是去佗位
sim-ài lí sī khì tó-uī
放阮孤單流情淚
pàng gún koo-tuann lâu tsîng-luī
空思夢想心稀微
khang-su bāng-sióng sim hi-bî
你講愛阮千萬年
lí kóng ài gún tshian-bān-nî
生生世世袂分離
sing-sing sè-sè buē hun-lî
如今誓言算啥物
jû-kim sè-giân sǹg siánn-mih
雄心無情做你去
hiông-sim bô-tsîng tsuè lí khì
千不該萬不該
tshian put-kai bān put-kai
怎樣會去愛著你
tsuánn-iūnn ē khì ài-tio̍h lí
怨天怨地怨自己
uàn thinn uàn tē uàn tsū-kí
想欲切斷無勇氣
siūnn-beh tshiat-tn̄g bô ióng-khì
人講愛著較慘死
lâng kóng ài–tio̍h khah tshám sí
心內偏偏只有你
sim-lāi phian-phian tsí-ū lí
看著你
khuànn-tio̍h lí
我會傷悲
guá ē siong-pi
紅花含淚醉規暝
âng-hue hâm-luī tsuì kui-mî
