向前來拍拚
《向前來拍拚》Hiòng-tsiân Lâi Phah-piànn
王首承Ông Siú-sîng
——————————————
盤山過嶺一重重
puânn-suann-kuè-niá tsi̍t-tîng-tîng
風風雨雨也過去
hong-hong-ú-ú iā kuè-khì
行過歷史的牆圍
kiânn kuè li̍k-sú ê tshiûnn-uî
艱苦的日子
kan-khóo ê ji̍t-tsí
感謝朋友的支持
kám-siā pîng-iú ê tsi-tshî
度過這段的時機
tōo-kuè tsit tuānn ê sî-ki
人生若無艱苦過
jîn-sing nā bô kan-khóo–kuè
哪有幸福的日子
ná-ū hīng-hok ê ji̍t-tsí
心肝著放予開
sim-kuann tio̍h pàng hōo khui
過去啊過去
kuè-khì–ah kuè–khì
咱著愛
lán tio̍h-ài
向前來拍拚
hiòng-tsiân lâi phah-piànn
向前來拍拚
hiòng-tsiân lâi phah-piànn
人生過程一重重
jîn-sing kuè-tîng tsi̍t-tîng-tîng
起起落落像海湧
khí-khí-lo̍h-lo̍h tshiūnn hái-íng
無論波浪有偌大
bô-lūn pho-lōng ū guā tuā
勇敢行過去
ióng-kám kiânn–kuè-khì
感謝朋友的支持
kám-siā pîng-iú ê tsi-tshî
行過這段的時機
kiânn kuè tsit tuānn ê sî-ki
人生若無艱苦過
jîn-sing nā bô kan-khóo–kuè
哪有幸福的日子
ná-ū hīng-hok ê ji̍t-tsí
心肝著愛有勇氣
sim-kuann tio̍h-ài ū ióng-khì
著愛向前行
tio̍h-ài hiòng-tsiân kiânn
咱著愛
lán tio̍h-ài
向前來拍拚
hiòng-tsiân lâi phah-piànn
向前來拍拚
hiòng-tsiân lâi phah-piànn
