敬月
《敬月》Kìng Gue̍h
方怡萍Png Î-phîng
——————————————
徘徊暗暗的巷仔口
pâi-huê àm-àm ê hāng-á-kháu
想欲看著彼个人
siūnn-beh khuànn-tio̍h hit ê lâng
分開幾若冬
hun-khui kuí-lō tang
日思夜夢
ji̍t-su iā-bāng
愛了愈深傷愈重
ài liáu jú tshim siong jú tāng
我捀酒杯來敬月
guá phâng tsiú-pue lâi kìng gue̍h
只有月娘有看過
tsí-ū gue̍h-niû ū khuànn-kuè
阮為這段情
gún uī tsit tuānn tsîng
付出有偌濟
hù-tshut ū guā-tsuē
阮是路邊小野花
gún sī lōo-pinn sió iá-hue
無人珍惜無人陪
bô-lâng tin-sioh bô-lâng puê
早知影有頭無尾
tsá tsai-iánn ū-thâu bô-bué
免加夯枷
bián ke giâ-kê
