海角信號
《海角信號》Hái-kak Sìn-hō
七郎Tshit-lông
麗玉Lē-gio̍k
——————————————
↓↓—(口白)—↓↓
啊!夕陽無限好
ah! si̍k-iông bû-hān hó
可惜近黃昏
khó-sioh kīn hông-hun
海波浪一陣一陣
hái-pho-lōng tsi̍t-tsūn-tsi̍t-tsūn
又閣溢著我
iū-koh ik tio̍h guá
踏入了往日的思慕
ta̍h-ji̍p liáu óng-ji̍t ê su-bōo
敢講日落的彩霞
kám-kóng ji̍t lo̍h ê tshái-hâ
是我愛情的圈套
sī guá ài-tsîng ê khuan-thò
啊~心情澹漉漉
ah~ sim-tsîng tâm-lok-lok
怎樣敨開心中鎖
tsuánn-iūnn tháu-khui sim-tiong só
叫我欲如何
kiò guá beh jû-hô
發出海角信號
huat-tshut hái-kak sìn-hō
↑↑—(口白)—↑↑
退倒轉一疊的批囊
thè tò-tńg tsi̍t-tha̍h ê phue-lông
日久掛心槽
ji̍t-kiú kuà sim-tsô
浪花潮深情海島
lōng-hua tiâu tshim-tsîng hái-tó
思念變水波
su-liām piàn tsuí-pho
失聯的海角信號
sit-liân ê hái-kak sìn-hō
早已經揣無線索
tsá í-king tshuē-bô suànn-soh
懷念著愛的小路
huâi-liām tio̍h ài ê sió-lōo
毋知你搬去佗
m̄-tsai lí puann khì toh
啊~日落染彩霞的
ah~ ji̍t lo̍h jiám tshái-hâ ê
海邊沙埔
hái-pinn sua-poo
波浪溢著我
pho-lōng ik tio̍h guá
踏入往日思慕
ta̍h-ji̍p óng-ji̍t su-bōo
心情澹漉漉
sim-tsîng tâm-lok-lok
如何敨開心中鎖
jû-hô tháu-khui sim-tiong só
啊~不應該執迷
ah~ put ing-kai tsip-bê
佇愛情的圈套
tī ài-tsîng ê khuan-thò
愛袂著
ài buē-tio̍h
猶原會衷心祝福
iu-guân ē thiong-sim tsiok-hok
海角信號
hái-kak sìn-hō
你聽見無
lí thiann-kìnn–bô
