冬節圓
台語詩〈冬節圓〉
Tâi-gí si“tang-tseh-înn”
詞曲：陳潔民
sû khik：Tân Kiat-bîn
編曲：周和儀(吉他伴奏)
Pian-Khik：Tsiu Hô-gî
演唱：陳潔民/周和儀
Yǎn-Chàng：Tân Kiat-bîn/Tsiu Hô-gî
冬節圓，甜閣圓
tang-tseh-înn, tinn koh înn
誰知影阮心內的寒天
Siáng tsai-iánn gún sim-lāi ê kuânn-thinn
思念的人
su-liām ê lâng
飛去雲頂
pue-khì hûn-tíng
未閣轉來阮身邊
Buē koh tńg-lâi gún sin-pinn
花紅嘛有落塗時
hue âng mā ū lo̍h-thôo sî
哪有永遠青春日
ná ū íng-uán tshing-tshun ji̍t
用心來讀性命的詩
iōng-sim lâi tha̍k sìnn-miā ê si
歲月為人生寫規暝
Suè-gua̍t uī jîn-sing siá kui-mî
冬節圓，圓閣甜
tang-tseh-înn, înn koh tinn
誰知影阮心內思念伊
Siáng tsai-iánn gún sim-lāi su-liām i
少年一時
Siàu-liân Tsi̍t-sî
無幾十年
bô kuí tsa̍p-nî
深情稀微到深更
tshim-tsîng hi-bî kàu tshim-kinn
