高雄追想曲

七郎 Tshit-lông

高雄追想曲 Ko-hiông tui-sióng-khik

難忘的高雄

Lân-bōng ê Ko-hiông

你是阮的第二故鄉

Lí-sī gún-ê tuē jī kòo-hiong

今日欲來離開引阮心傷悲

Kin-jit bueh-lâi lî-khui ín gún sim siong-pi

難捨你懷抱中

Lân siá lí huâi-páu tiong

踮在著萬壽山頂

Tiàm-tsāi tio̍h Bān-siū-san tíng

留下著你咱的親情

Lâu-hā tio̍h lí lán ê tshin-tsîng

春秋閣蓮花池月明水清

Tshun-tshiu-koh Liân—tî-thâm gue̍h -bîng-tsuí-tshing

彼時快樂的情景

Hit-sî khuài-lo̍k ê tsîng-kíng

黃昏的故鄉

Hông-hun ê kòo-hiong

打狗山頂朱紅夕陽

Tánn-káu suann-tíng tsu-hông sik-iông

照落在高雄港波浪搖搖弄

Tsiò lo̍h tsāi ko-hiông-káng pho-lōng iâu-iâu-lāng

漁船隻也輕鬆

Hî-tsûn tsiah iā khin-sang

迷人的愛河夜景

Bê-lâng ê Ài-hô iā-kíng

有情人約會在橋頂

Ū-tsîng-lâng iok-huē tsāi kiô-tíng

繁華的夜港都阮懷念

Huân-huâ ê iā-káng-too gún huâi-liām

昔日甜蜜的夢鄉

Sik-ji̍t tinn-bit ê bāng-hiong

再會啦 高雄

Tsài-huē lah Ko-hiông

阮會重回你懷抱中

Gún ē toing-huê lí huâi-páu tiong

永遠袂當記我在此生長

Íng-uán bē-tàng bē-kì guá tsāi-tshú sing-tióng

你予阮的溫情

Lí hōo gún ê un-tsîng

澄清湖中秋之戀

Tîng-tshing-ôo tiong-tshiu tsi luān

觀音山註定訂親緣

Kuan-im-suann tsù-tiānn tīng tshin-iân

清水岩佛光山更難忘

Tshing-tsuí-giâm Hu̍t-kong-san kíng lân-bōng

再會可愛的高雄

Tsài-huē khó-ài ê Ko-hiông