誠心會不是
《誠心會不是》Sîng-sim Huē-put-sī
七郎Tshit-lông
——————————————
若無失落的過去
nā bô sit-lo̍h ê kuè-khì
哪知珍惜的寶貴
ná tsai tin-sioh ê pó-kuì
若無窮途末路的清醒
nā bô kiông-tôo bua̍t-lōo ê tshing-tshínn
哪知人在福中的福氣
ná tsai jîn tsāi hok-tiong ê hok-khì
是我毋知疼惜你
sī guá m̄-tsai thiànn-sioh lí
辜負著愛人的心意
koo-hū tio̍h ài-jîn ê sim-ì
人去樓空才知遲
jîn khì lâu khang tsiah tsai tî
才知影需要你
tsiah tsai-iánn su-iàu lí
後悔莫及
hiō-hué bo̍k-ki̍p
痛改前非
thòng-kái tsiân-hui
誠心會不是
sîng-sim huē-put-sī
請你原諒我
tshiánn lí guân-liōng guá
是無心所為
sī bô-sim sóo uī
啊~心愛的
ah~ sim-ài–ê
你若聽見
lí nā thiann-kìnn
請你著回心轉意
tshiánn lí tio̍h huê-sim tsuán-ì
早日轉來阮身邊
tsá-ji̍t tńg-lâi gún sin-pinn
早日轉來佮阮團圓
tsá-ji̍t tńg-lâi kah gún thuân-înn
