無緣做伙到落尾
《無緣做伙到落尾》Bô-iân Tsò-hué Kàu Lo̍h-bué
七郎Tshit-lông
——————————————
前世人
tsîng-sè-lâng
欠你偌濟
khiàm lí guā-tsuē
為何對你遮痴迷
uī-hô tuì lí tsiah tshi-bê
明知影你是楊花水性
bîng tsai-iánn lí sī iông-hua tsuí-sìng
偏偏煞來愛著你
phian-phian suah lâi ài-tio̍h lí
想彼時
siūnn hit-sî
有人對我講
ū-lâng tuì guá kóng
佮你鬥陣著細膩
kah lí tàu-tīn tio̍h sè-jī
彼時陣對你痴戀
hit-sî-tsūn tuì lí tshi-luân
別人的話
pa̍t-lâng ê uē
聽袂入耳
thiann buē ji̍p-ní
無怨嘆付出偌濟
bô uàn-thàn hù-tshut guā-tsuē
無緣佮你到落尾
bô-iân kah lí kàu lo̍h-bué
明知影
bîng tsai-iánn
已經無法挽回
í-king bô-huat bán-huê
偏偏閣來數念你
phian-phian koh lâi siàu-liām lí
