我毋是歹囝
《我毋是歹囝》Guá M̄-sī Pháinn-kiánn
七郎Tshit-lông
——————————————
仝款閃爍的光線
kāng-khuán siám-sih ê kng-suànn
仝款鑿入我的心肝
kāng-khuán tsha̍k-ji̍p guá ê sim-kuann
齷齪痛苦誰知影
ak-tsak thòng-khóo siáng tsai-iánn
無奈也是著愛行
bô-nāi iā-sī tio̍h-ài kiânn
喝一聲
huah tsi̍t-siann
心內暗驚驚惶
sim-lāi àm kiann-hiânn
嘆一聲
thài tsi̍t-siann
阮敢是這款命
gún kám-sī tsit khuán miā
為著正義咧喝聲
uī-tio̍h tsìng-gī teh huah-siann
為著幸福咧拍拚
uī-tio̍h hīng-hok teh phah-piànn
心愛的
sim-ài–ê
請你著知影
tshiánn lí tio̍h tsai-iánn
阮毋是浪子命
gún m̄-sī lōng-tsú miā
啊~我我毋是歹囝
ah~ guá guá m̄-sī pháinn-kiánn
