思鄉情影
《思鄉情影》Su-hiong Tsîng-iánn
七郎Tshit-lông
——————————————
天欲烏
thinn beh oo
日頭也落山
ji̍t-thâu iā lo̍h-suann
不覺心痠疼
put-kak sim sng-thiànn
唱出黃昏故鄉情歌
tshiùnn-tshut hông-hun kòo-hiong tsîng-kua
懷念的情影
huâi-liām ê tsîng-iánn
如今我踮在異鄉
jû-kim guá tiàm-tsāi ī-hiong
孤孤單單咧生活
koo-koo-tuann-tuann teh sing-ua̍h
鑿目的夕陽光線
tsha̍k-bo̍k-ti̍k si̍k-iông kng-suànn
照我心頭影
tsiò guá sim-thâu iánn
思鄉情歌
su-hiong tsîng-kua
欲唱予啥人聽
beh tshiùnn hōo siánn-lâng thiann
思鄉情伴
su-hiong tsîng-phuānn
分手佇西海岸
hun-tshiú tī se-hái-huānn
離愁的異鄉戀歌
lî-tshiû ê ī-hiong luân-kua
愈唱心愈疼
jú tshiùnn sim jú thiànn
思念你形影
su-liām lí hîng-iánn
—
黃昏時
hông-hun sî
天色穿紅衫
thinn-sik tshīng âng-sann
海浪滾金線
hái-lōng kún kim-suànn
想起昔日故鄉情伴
siūnn-khí sik-ji̍t kòo-hiong tsîng-phuānn
這陣變按怎
tsit-tsūn piàn án-tsuánn
