快樂酒店
《快樂酒店》Khuài-lo̍k Tsiú-tiàm
七郎Tshit-lông
——————————————
小姐啊毋免驚
sió-tsiá–ah m̄-bián kiann
毋免驚歹勢啦
m̄-bián kiann pháinn-sè–lah
阮是對你真情的
gún sī tuì lí tsin-tsîng–ê
請你愛相信我
tshiánn lí ài siong-sìn guá
真心對待你
tsin-sim tuì-thāi lí
總有一工
tsóng ū tsi̍t-kang
了解阮心底
liáu-kái gún sim-té
第一擺熟似
tē-it pái si̍k-sāi
逐家tsih-puh真慷慨
ta̍k-ke tsih-puh tsin khóng-khài
お絞り
oo-sí-bóo-lih
當番的笑咍咍
thoo-báng–ê tshiò-hai-hai
快樂音樂聲
khuài-lo̍k im-ga̍k-siann
使人沉迷酒場內
sú-lâng tîm-bê tsiú-tiûnn lāi
千萬毋通耽誤好將來
tshian-bān m̄-thang tam-gōo hó tsiong-lâi
目睭擘予金
ba̍k-tsiu peh hōo kim
心肝永遠掠予在
sim-kuann íng-uán lia̍h hōo tsāi
花花世界
hua-hua sè-kài
難得有真情愛
lân-tit ū tsin tsîng-ài
一杯閣一杯
tsi̍t-pue koh tsi̍t-pue
莫問阮對佗位來
mài mn̄g gún tuì tó-uī lâi
酒退夢醒
tsiú thuè bāng tshínn
歡喜在心內
huann-hí tsāi sim-lāi
請你相信我
tshiánn lí siong-sìn guá
接受阮的愛
tsiap-siū gún ê ài
創造幸福的將來
tshòng-tsō hīng-hok ê tsiong-lâi
