回頭的囡仔
《回頭的囡仔》Huê-thâu ê Gín-á
七郎Tshit-lông
——————————————
離開故鄉遮濟年
lī-khui kòo-hiong tsiah tsuē nî
故鄉的阿母
kòo-hiong ê a-bú
你敢有勇健
lí kám ū ióng-kiānn
離開故鄉欲出外
lī-khui kòo-hiong beh tshut-guā
媽媽目屎
má-mah ba̍k-sái
像雨落袂煞
tshiūnn hōo lo̍h buē-suah
你有對阮交代做好囝
lí ū tuì gún kau-tài tsuè hó-kiánn
莫閣繼續迷網咖
mài koh kè-sio̍k bê wǎngkā
你會擔心
lí ē tam-sim
攏是為著我
lóng-sī uī-tio̍h guá
我袂閣去筊臺仔跋
guá buē koh khì kiáu-tâi-á pua̍h
我會認真去拍拚
guá ē jīn-tsin khì phah-piànn
我袂閣去銀行
guá buē koh khì gîn-hâng
借錢用貸款
tsioh-tsînn iōng tāi-khuánn
我袂閣
guá buē koh
予阿母疼心肝
hōo a-bú thiànn sim-kuann
你是我
lí sī guá
遮風避雨一片壁
jia-hong pī-hōo tsi̍t-phìnn piah
望阿母你平安勇健
bāng a-bú lí pîng-an ióng-kiānn
