半爿月半清醒
《半爿月半清醒》Puànn-pîng Gue̍h Puànn Tshing-tshínn
一綾It-lîng
——————————————
真心對待你
tsin-sim tuì-thāi lí
換來只有暗傷悲
uānn lâi tsí-ū àm siong-pi
看別人靠佇你身邊
khuànn pa̍t-lâng khò tī lí sin-pinn
我的心像針咧揻
guá ê sim tshiūnn tsiam teh ui
真心疼惜你
tsin-sim thiànn-sioh lí
最後煞是傷家己
tsuè-āu suah sī siong ka-tī
看別人倒佇你身邊
khuànn pa̍t-lâng tó tī lí sin-pinn
我只有偷偷離開
guá tsí-ū thau-thau lī-khui
半爿月
puànn-pîng gue̍h
半清醒
puànn tshing-tshínn
我看破放棄
guá khuànn-phuà hòng-khì
既然你選擇伊
kì-jiân lí suán-ti̍k i
我會祝福你
guá ē tsiok-hok lí
半爿月
puànn-pîng gue̍h
半清醒
puànn tshing-tshínn
我捶心厭氣
guá tuî-sim iàn-khì
既然你無要緊
kì-jiân lí bô-iàu-kín
我自我安慰
guá tsū-ngóo an-uì
