情深深夢重重
《情深深夢重重》Tsîng Tshim-tshim Bāng Tîng-tîng
蔡粢蟬 Tshuà Tsu-siân
——————————————
對你思念的心情
tuì lí su-liām ê sim-tsîng
猶原規暝攏袂停
iu-guân kui-mî lóng buē thîng
毋知愛你遮爾深
m̄-tsai ài lí tsiah-nī tshim
甘願耽誤阮一生
kam-guān tam-gōo gún it-sing
毋願愛情來變冷
m̄-guān ài-tsîng lâi piàn líng
望你知影堅定的心
bāng lí tsai-iánn kian-tīng ê sim
想你無限的心情
siūnn lí bô-hān ê sim-tsîng
毋驚天地來變形
m̄-kiann thinn-tē lâi piàn-hîng
只有時間來證明
tsí-ū sî-kan lâi tsìng-bîng
請你對阮愛相信
tshiánn lí tuì gún ài siong-sìn
阮的海誓佮山盟
gún ê hái-sè kah san-bîng
付出是一片的真心
hù-tshut sī it-phiàn ê tsin-sim
情深深
tsîng tshim-tshim
夢重重
bāng tîng-tîng
愛你一言難盡
ài lí it-giân lân-tsīn
千般柔情
tshian-puann jiû-tsîng
賭著阮性命
tóo tio̍h gún sìng-bīng
思戀情淚滴胸前
su-luân tsîng-luī tih hing-tsîng
偌濟犧牲
guā-tsuē hi-sing
明月為證
bîng-gua̍t uī tsìng
永遠囥阮心肝頂
íng-uán khǹg gún sim-kuann tíng
