安平追想曲
《安平追想曲》An-pîng Tui-sióng Khik
蔡幸娟Tshuà Hīng-kuan
————————————————–
身穿花紅長洋裝
sin tshīng hue-âng tn̂g iûnn-tsong
風吹金髮思情郎
hong-tshue kim-huat su tsîng-lông
想郎船何往
siūnn lông tsûn hô óng
音信全無通
im-sìn tsuân bô thong
伊是行船仔拄風浪
i sī kiânn-tsûn-á tú hong-lōng
放阮情難忘
pàng gún tsîng lân bōng
心情無地講
sim-tsîng bô-tè kóng
相思寄著海邊風
siunn-si kià tio̍h hái-pinn hong
海風無情笑阮戇
hái-hong bô-tsîng tshiò gún gōng
啊~毋知初戀心茫茫。
ah~ m̄-tsai tshoo-luân sim bông-bông
想起情郎想自己
siūnn-khí tsîng-lông siūnn tsū-kí
毋知爹親二十年
m̄-tsai tia-tshin jī-tsa̍p nî
思念想欲見
su-liām siūnn-beh kīnn
只有金十字
tsí-ū kim si̍p-jī
予阮母親做遺記
hōo gún bú-tshin tsuè uî-kì
放阮私生兒
pàng gún su-sing-jî
聽母初講起
thiann bú tshoo kóng-khí
愈想不幸愈哀悲
jú siūnn put-hīng jú ai-pi
到底現在生抑死
tàu-té hiān-tsāi sinn ia̍h sí
啊~伊是荷蘭的船醫
ah~ i sī hô-lân ê tsûn-i
想起母囝的運命
siūnn-khí bú-kiánn ê ūn-miā
心肝想爹也怨爹
sim-kuann siūnn tia iā uàn tia
別人有爹疼
pa̍t-lâng ū tia thiànn
阮是母親晟
gún sī bú-tshin tshiânn
今日青春孤單影
kim-ji̍t tshing-tshun koo-tuann iánn
全望多情兄
tsuân bāng to-tsîng hiann
望兄的船隻
bāng hiann ê tsûn-tsiah
早日回歸安平城
tsá-ji̍t huê-kui an-pîng-siânn
安平純情金小姐
an-pîng sûn-tsîng kim sió-tsiá
啊~等你入港銅鑼聲
ah~ tán lí ji̍p káng tâng-lô siann
