因為我佮意
《因為我佮意》In-uī Guá Kah-ì
蔡家蓁Tshuà Ka-tsin
——————————————
若看著你
nā khuànn tio̍h lí
我就戇戇笑規暝
guá tiō gōng-gōng tshiò kui-mî
怹攏講這款症頭
in lóng kóng tsit khuán tsìng-thâu
無藥醫
bô io̍h i
欲按怎予你知影阮的心
beh án-tsuánn hōo lí tsai-iánn gún ê sim
這个年代
tsit ê nî-tāi
已經無流行佇遮等待
í-king bô liû-hîng tī tsia tán-thāi
這世界遐爾闊
tse sè-kài hiah-nī khuah
是緣份的安排
sī iân-hūn ê an-pâi
予我拄著你
hōo guá tú-tio̍h lí
這戀愛的酸甘甜
tse luân-ài ê sng-kam-tinn
因為我佮意你
in-uī guá kah-ì lí
你予阮心花開
lí hōo gún sim-hue khui
每一改拄著你
muí tsi̍t-kái tú-tio̍h lí
話煞講袂出喙
uē suah kóng buē tshut-tshuì
你就是空氣
lí tiō-sī khong-khì
是愛的意義
sī ài ê ì-gī
因為我佮意你
in-uī guá kah-ì lí
欲佮你黏黐黐
beh kah lí liâm thi-thi
你敢攏無看見
lí kám lóng bô khuànn-kìnn
阮對你的表示
gún tuì lí ê piáu-sī
若佇你身軀邊
nā tī lí sin-khu pinn
我會歡喜甲飛上天
guá ē huann-hí kah pue tsiūnn-thinn
