酒一杯
《酒一杯》Tsiú Tsi̍t-pue
劉福助 Lâu Hok-tsōo
金玫 Kim-muî
——————————————
男)
酒一杯
tsiú tsi̍t-pue
來敬妹妹
lâi kìng mué-mueh
我有一句話
guá ū tsi̍t-kù uē
閣欲講驚歹勢
koh beh kóng, kiann pháinn-sè
哎唷!表明阮心內
aih-ioh! piáu-bîng gún sim-lāi
毋是拍笑詼
m̄-sī phah tshiò-khe
趁著今夜有明月
thàn tio̍h kim-iā ū bîng-ge̍h
女)
嘿!敢有影
heh! kám ū-iánn
男)
共阮聽看覓
kā gún thiann khuànn-māi
你毋通失機會
lí m̄-thang sit ki-huē
哎唷!好妹妹
aih-ioh! hó mué-mueh
女)
叫一聲哪貼心兄
kiò tsi̍t-siann–nah tah-sim hiann
心頭扞予定
sim-thâu huānn hōo tiānn
請你毋通驚
tshiánn lí m̄-thang kiann
哎唷!有話欲表明
aih-ioh! ū uē beh piáu-bîng
趕緊講來聽
kuánn-kín kóng lâi thiann
無論散赤抑好額
bô-lūn sàn-tshiah ia̍h hó-gia̍h
男)
嗯!敢有影
ngh! kám ū-iánn
女)
佮你來做陣
kah lí lâi tsò-tīn
好䆀阮的命
hó-bái gún ê miā
哎唷!貼心兄
aih-ioh! tah-sim hiann
男)
酒一杯
tsiú tsi̍t-pue
來敬妹妹
lâi kìng mué-mueh
聽你一句話
thiann lí tsi̍t-kù uē
閣引阮開心花
koh ín gún khui sim-hue
哎唷!你假遮有情
aih-ioh! lí ká tsiah ū-tsîng
毋免講遐濟
m̄-bián kóng hiah tsē
趁著今夜春風吹
thàn tio̍h kim-iā tshun-hong tshue
女)
嘿! 敢有影
heh! kám ū-iánn
男)
做陣到天光
tsuè-tīn kàu thinn-kng
你敢有啥關係
lí kám ū siánn kuan-hē
哎唷!好妹妹
aih-ioh! hó mué-mueh
女)
叫一聲哪貼心兄
kiò tsi̍t-siann–nah tah-sim hiann
已經共知影
í-king kā tsai-iánn
互相來痛疼
hōo-siong lâi t thàng-hiànn
哎唷!做陣有機會
aih-ioh! tsò-tīn ū ki-huē
毋通逐暗行
m̄-thang ta̍k-àm kiânn
月娘強欲落山嶺
gue̍h-niû kiōng-beh lo̍h suann-niá
男)
嗯!敢有影
ngh! kám ū-iánn
女)
請你轉去睏
tshiánn lí tńg-khì khùn
明日愛拍拚
bîn-ji̍t ài phah-piànn
哎唷!貼心兄
aih-ioh! tah-sim hiann
