烏色的愛情
《烏色的愛情》Oo-sik ê Ài-tsîng
蔡一紅Tshuà It-hông
——————————————
愛情可比雲
ài-tsîng khó-pí hûn
真假是難分
tsin-ké sī lân hun
薄命女性暗自恨
po̍k-bīng lú-sìng àm tsū-hūn
昔日溫馴難捨又難分
sik-ji̍t un-sûn lân-siá iū lân-hun
今日變成浮雲
kim-ji̍t piàn-sîng phû-hûn
一生青春為你來犧牲
it-sing tshing-tshun uī lí lâi hi-sing
受你變心誰同情
siū lí piàn-sim siáng tông-tsîng
希望你尊重女性
hi-bāng lí tsun-tiōng lú-sìng
毋通放阮做你去
m̄-thang pàng gún tsuè lí khì
愛情可比雲
ài-tsîng khó-pí hûn
真假是難分
tsin-ké sī lân hun
薄命女性怎生存
po̍k-bīng lú-sìng tsuánn sing-tsûn
你來對阮無情又無義
lí lâi tuì gún bô-tsîng iū bô-gī
愛花無愛花枝
ài hue bô-ài hue-ki
一生清白受你來破壞
it-sing tshing-pi̍k siū lí lâi phò-huāi
滿腹恨火啥人知
muá-pak hūn-hé siánn-lâng tsai
希望你看重真情
hi-bāng lí khuànn-tiōng tsin-tsîng
毋通佮阮分東西
m̄-thang kah gún hun tang-sai
愛情可比雲
ài-tsîng khó-pí hûn
真假是難分
tsin-ké sī lân hun
薄命女性無怨恨
po̍k-bīng lú-sìng bô uàn-hūn
看破一切
khuànn-phuà it-tshè
甘願再生存
kam-guān tsài sing-tsûn
當做咱無緣份
tòng-tsuè lán bô iân-hūn
夢中幸福
bāng-tiong hīng-hok
看破來放棄
khuànn-phuà lâi hòng-khì
春花秋月無稀奇
tshun-hue tshiu-gue̍h bô hi-kî
希望咱永遠分離
hi-bāng lán íng-uán hun-lî
毋通予我再傷悲
m̄-thang hōo guá tsài siong-pi
