怎樣信賴你
《怎樣信賴你》Tsuánn-iūnn Sìn-lāi Lí
歐禮全Au Lé-tsuân
——————————————
思慕著心愛的人
su-bōo tio̍h sim-ài ê lâng
已成一場空
í sîng tsi̍t-tiûnn khang
到底是欲來叫我
tàu-tué sī beh lâi kiò guá
信賴著啥人
sìn-nāi tio̍h siánn-lâng
滿腹的虛情茫茫
muá-pak ê hi-tsîng bâng-bâng
予阮怎樣會輕鬆
hōo gún tsuánn-iūnn ē khin-sang
燒酒哪會造成希望
sio-tsiú ná ē tsō-sîng hi-bāng
只有添苦痛
tsí-iú thiam khóo-thàng
冷落的夜風稀微
líng-lo̍h ê iā-hong hi-bî
引阮想當時
ín gún siūnn tong-sî
夜深靜你我雙人
iā tshim-tsīng lí guá siang-lâng
輕談在燈邊
khin tâm tsāi ting-pinn
彼時咱無言相辭
hit-sî lán bô-giân sio-sî
黃昏伴阮到深更
hông-hun phuānn gún kàu tshim-kinn
期待著相逢日子
kî-thāi tio̍h siong-hông ji̍t-tsí
安慰阮心理
an-uì gún sim-lí
終生的你我代誌
tsiong-sing ê lí guá tāi-tsì
使我暗驚疑
sú guá àm kiann-gî
我認定你是我的
guá jīn-tīng lí sī guá ê
永遠的伴侶
íng-uán ê phuānn-lī
你敢會無情無義
lí kám ē bô-tsîng bô-gī
放阮孤單做你去
pàng gún koo-tuann tsuè lí khì
枉費我真情對你
óng-huì guá tsin-tsîng tuì lí
怎樣信賴你
tsuánn-iūnn sìn-nāi lí
