相思夜
《相思夜》Siunn-si Iā
劉家芳Lâu Ka-hong
——————————————
冷冷的月
líng-líng ê gue̍h
映照離枝的花
ìng-tsiàu lî-ki ê hue
為愛凋零任風吹
uī ài tiau-lîng jīm hong tshue
深深的暝
tshim-tshim ê mê
傾訴思念的批
khing-sòo su-liām ê phue
等無人將伊送回
tán bô-lâng tsiong i sàng-huê
你佮我約定的話
lí kah guá iok-tīng ê uē
聲聲句句告天地
siann-siann-kù-kù kò thian-tē
等到斷腸酒後
tán-kàu tuān-tshiâng tsiú-āu
才明白
tsiah bîng-pi̍k
感情路
kám-tsîng lōo
從來就袂後悔
tsiông-lâi tiō buē hiō-hué
茫茫的人海戇戇揣
bâng-bâng ê jîn-hái gōng-gōng tshuē
痴心話是真毋是假
tshi-sim uē sī tsin m̄-sī ké
甘願沉醉毋願醒
kam-guān tîm-tsuì m̄-guān tshínn
我只相信
guá tsí siong-sìn
山盟佮海誓
san-bîng kah hái-sè
斷線的風吹隨風飛
tn̄g-suànn ê hong-tshue suî hong pue
紅塵流離啥人陪
hông-tîn liû-lî siánn-lâng puê
夢中盼你一千回
bāng-tiong phàn lí tsi̍t-tshian huê
盼望他鄉再相會
phàn-bōng thann-hiong tsài siong-huē
咱的家
lán ê ke
