毋甘也著放
《毋甘也著放》M̄-kam Iā Tio̍h Pàng
劉育綾Lâu Io̍k-lîng
——————————————
看著你的人
khuànn-tio̍h lí ê lâng
漸漸消失在眼前
tsiām-tsiām siau-sit tsāi gán-tsîng
絕情話
tsua̍t-tsîng uē
對你喙底講出的
tuì lí tshuì-té kóng-tshut–ê
寒風也冷袂過你的情
hân-hong iā líng buē-kuè lí ê tsîng
當初咒誓攏是騙
tong-tshoo tsiù-tsuā lóng-sī phiàn
路燈無情
lōo-ting bô-tsîng
照阮心淒冷
tsiò gún sim tshe-líng
怨嘆自己太多情
uàn-thàn tsū-kí thài to-tsîng
一張批
tsi̍t-tiunn phue
一句話
tsi̍t-kù uē
情到最後攏是假
tsîng kàu tsuè-āu lóng-sī ké
青春戀夢
tshing-tshun luân-bāng
會當幾回
ē-tàng kuí huê
攑頭問月也無話
gia̍h-thâu mn̄g gue̍h iā bô uē
從今以後無怨言
tsiông-kim í-āu bô uàn-giân
袂閣留戀無情人
buē koh liû-luân bô-tsîng-lâng
心肝較疼
sim-kuann khah thiànn
毋甘也著放
m̄-kam iā tio̍h pàng
