敬你一杯
《敬你一杯》Kìng Lí Tsi̍t-pue
蒲庭龍Pôo Tîng-liông
辦桌二人組Pān-toh Jī-jîn-tsoo
——————————————
何必管風怎樣吹
hô-pit kuán hong tsuánn-iūnn tshue
何必聽人講啥貨
hô-pit thiann lâng kóng siánn-huè
毋管辛勞抑是頭家
m̄-kuán sin-lô ia̍h-sī thâu-ke
無做是欲食啥貨
bô tsò sī beh tsia̍h siánn-huè
你看春花當美麗
lí khuànn tshun-hue tng bí-lē
你看青春少年家
lí khuànn tshing-tshun siàu-liân-ke
跤踏實地徛齊齊
kha ta̍h si̍t-tē khiā tsê-tsê
為著理想拚到底
uī-tio̍h lí-sióng piànn kàu té
朋友我敬你一杯
pîng-iú guá kìng lí tsi̍t-pue
閒話莫遐濟
îng-uē mài hiah tsuē
互相扶持免歹勢
hōo-siong hû-tshî bián pháinn-sè
做你來啉予伊馬西馬西
tsuè lí lâi lim hōo i má-se-má-se
拍破酒矸
phah-phuà tsiú-kan
有我來賠
ū guá lâi puê
朋友閣敬你一杯
pîng-iú koh kìng lí tsi̍t-pue
萬事攏OK
bān-sū lóng OK
祝你年年真好過
tsiok lí nî-nî tsin hó-kuè
四海兄弟
sù-hái hiann-tī
拍拚就好做伙
phah-piànn tiō hó tsuè-hué
準備好
tsún-pī hó
就來起飛
tiō lâi khí-pue
