黃昏再會
《黃昏再會》Hông-hun Tsài-huē
鳳飛飛 Hōng Hui-hui
——————————————
傳說月裡嫦娥媠
thuân-suat gua̍t-lí Siông-ngôo suí
可比小妹妖嬌佮古錐
khó-pí sio-muē iau-kiau kah kóo-tsui
幾句情話
kuí kù tsîng-uē
毋敢講出喙
m̄-kánn kóng tshut-tshuì
含情不吐上克虧
hâm tsîng put thóo siōng khik-khui
冷靜月暝伴哥行
líng-tsīng ge̍h-mî phuānn ko kiânn
無疑今夜會得來見兄
bô-gî kim-iā ē ti̍t lâi kìnn hiann
輕聲細說
khin-siann sè-sueh
又驚人知影
iū kiann lâng tsai-iánn
真情欲講心驚驚
tsin-tsîng bueh kóng sim kiann-kiann
快樂美滿公園內
khuài-lo̍k bí-buán kong-hn̂g lāi
忽然雲開
hut-jiân hûn khui
漸漸見月眉
tsiām-tsiām kìnn ge̍h-bâi
雙人永遠毋通情變歹
siang-lâng íng-uán m̄-thang tsîng piàn pháinn
明日黃昏才閣來
bîng-ji̍t hông-hun tsiah koh lâi
