街頭巷尾
《街頭巷尾》Ke-thâu Hāng-bué
廖大森Liāu Tāi-sim
——————————————
媽媽今仔日欲放假
má-mah kin-á-ji̍t beh pàng-ká
想欲揣一間好餐廳
siūnn-beh tshuē tsi̍t-king hó tshan-thiann
爸爸開著伊的新車
pá-pah khui tio̍h i ê sin-tshia
?阮四界行
tshuā gún sì-kè kiânn
姊姊伊想欲買新衫
tsé-tseh i siūnn-beh bué sin-sann
弟弟想欲守佇網咖
tī-tih siūnn-beh tsiúnn tī wǎngkā
毋管好食的
m̄-kuán hó-tsia̍h–ê
抑是好耍的
ia̍h-sī hó-sńg–ê
全部攏佇遮
tsuân-pōo lóng tī tsia
上蓋親切的聲音
siōng-kài tshin-tshiat ê siann-im
上蓋實在的感情
siōng-kài si̍t-tsāi ê kám-tsîng
街頭巷尾
ke-thâu hāng-bué
共快樂送予每一个
kā khuài-lo̍k sàng hōo muí tsi̍t-ê
拍開心內的大門
phah-khui sim-lāi ê tuā-mn̂g
珍惜你我的緣份
tin-sioh lí guá ê iân-hūn
喔~街頭巷尾
ooh~ ke-thâu hāng-bué
逐家歡歡喜喜來做伙
ta̍k-ke huann-huann-hí-hí lâi tsò-hué
用心聽
iōng-sim thiann
在地的聲
tsāi-tē ê siann
會發現生活是溫暖啦
ē huat-hiān sing-ua̍h sī un-luán–lah
毋管散食
m̄-kuán sàn-tsia̍h
抑是好額
ia̍h-sī hó-gia̍h
逐家扶持
ta̍k-ke hû-tshî
上好命
siōng hó-miā
厝邊頭尾
tshù-pinn-thâu-bué
愈行愈倚
jú kiânn jú uá
講話有人聽
kóng-uē ū-lâng thiann
感動的故事
kám-tōng ê kòo-sū
一件一件
tsi̍t-kiānn tsi̍t-kiānn
真情囥心肝
tsin-tsîng khǹg sim-kuann
