蝶戀花
《蝶戀花》Tia̍p Luân Hue
鳳飛飛 Hōng Hui-hui
——————————————
紅紅花蕊當清芳
âng-âng hue-luí tng tshing-phang
春天百花欉
tshun-thinn pah-hue-tsâng
清翠花蕊定定紅
tshing-tshuì hue-luí tiānn-tiānn âng
毋驚野蜂弄
m̄-kiann iá-phang lāng
心愛哥哥你一人
sim-ài kó-koh lí tsi̍t-lâng
花媠永遠仝
hue suí íng-uán kāng
阮是忍耐風雨凍
gún sī jím-nāi hong-hōo tàng
歡迎你一人
huan-gîng lí tsi̍t-lâng
南風吹來心輕鬆
lâm-hong tshue lâi sim khin-sang
漸漸談情戀
tsiām-tsiām tâm tsîng-luân
春色可比自由夢
tshun-sik khó-pí tsū-iû bāng
蝴蝶守花欉
ôo-tia̍p siú hue-tsâng
心愛妹妹你一人
sim-ài mué-mueh lí tsi̍t-lâng
歡喜正清芳
huann-hí tsiànn tshing-phang
快樂美滿是無限
khuài-lo̍k bí-buán sī bô-hān
我愛妹一人
guá ài muē tsi̍t-lâng
白花開透送芳味
pe̍h-hue khui thàu sàng phang-bī
文雅自然媠
bûn-ngá tsū-jiân suí
春天咱就放心開
tshun-thinn lán tiō hòng-sim khui
鳥隻亂亂飛
tsiáu-tsiah luān-luān hui
阮是愛哥有情義
gún sī ài ko ū tsîng-gī
疼痛結相隨
thiànn-thàng kiat sio-suî
戀花多情多是非
luân-hue to-tsîng to sī-hui
毋甘來分開
m̄-kam lâi hun-khui
愛情投合在心內
ài-tsîng tâu-ha̍p tsāi sim-lāi
空中月也知
khong-tiong gue̍h iā tsai
心心相印雙人愛
sim-sim siong-ìn siang-lâng ài
終身相感介
tsiong-sin siong kám-kài
咱是甜蜜隨東西
lán sī tinn-bi̍t suî tang-sai
遊賞咱世界
iû-siúnn lán sè-kài
蝶戀花栽相等待
tia̍p luân hue-tsai sio tán-thāi
年久就原在
nî-kú tiō guân-tsāi
