碎心花
《碎心花》Tshuì-sim Hue
鳳飛飛 Hōng Hui-hui
——————————————
寒夜無伴倚在桌邊
hân-iā bô phuānn uá tsāi toh-pinn
看見當開一蕊花枝
khuànn-kìnn tng khui tsi̍t-luí hue-ki
含著芳味花紅葉青
hâm tio̍h phang-bī hue âng hio̍h tshinn
引阮心內思念當時
ín gún sim-lāi su-liām tong-sî
純情的愛伊也毋知
sûn-tsîng ê ài i iā m̄-tsai
佮阮離開有去無來
kah gún lī-khui ū-khì bô-lâi
美滿情意並無存在
bí-buán tsîng-ì pīng bô tsûn-tsāi
予阮心肝加添悲哀
hōo gún sim-kuann ka-thiam pi-ai
冬風吹來也毋知冷
tang-hong tshue lâi iā m̄-tsai líng
心內只恨伊的薄情
sim-lāi tsí hūn i ê po̍k-tsîng
想起昔日初戀情形
siūnn-khí sik-ji̍t tshoo-luân tsîng-hîng
今日才知誤阮一生
kia̋nn-ji̍t tsiah tsai gōo gún it-sing
