無情的歌
《無情的歌》Bô-tsîng ê Kua
廖大森Liāu Tāi-sim
——————————————
無心的人
bô-sim ê lâng
唱一首無情的歌
tshiùnn tsi̍t-siú bô-tsîng ê kua
無限思念
bô-hān su-liām
每一句
muí tsi̍t-kù
攏疼入心肝
lóng thiànn ji̍p sim-kuann
踮佇茫茫的六月天
tiàm-tī bâng-bâng ê la̍k-gue̍h-thinn
哪會霜雪落袂離
ná ē sng-seh lo̍h buē-lī
因為一時的好奇
in-uī tsi̍t-sî ê hònn-kî
耽誤著青春少年時
tam-gōo tio̍h tshing-tshun siàu-liân-sî
等你三年的日子
tán lí sann-nî ê ji̍t-tsí
換來一句I’m sorry
uānn lâi tsi̍t-kù I’m sorry
你講有緣才做堆
lí kóng ū-iân tsiah tsuè-tui
我知影袂當怪你
guá tsai-iánn buē-tàng kuài lí
明知愛著一个人
bîng-tsai ài-tio̍h tsi̍t-ê lâng
著愛放伊自由去
tio̍h-ài pàng i tsū-iû khì
你若欲飛天鑽地
lí nā beh pue-thinn tsǹg-tē
也只有笑笑祝福你
iā tsí-ū tshiò-tshiò tsiok-hok lí
唱一首無情的歌啦
tshiùnn tsi̍t-siú bô-tsîng ê kua–lah
聽著我的心內
thiann-tio̍h guá ê sim-lāi
碎去的聲
tshuì khì ê siann
欲問你
beh mn̄g lí
一切敢有影
it-tshè kám ū-iánn
敢講離開了我
kám-kóng lī-khui liáu guá
你就會快活
lí tiō ē khuìnn-ua̍h
唱一首無情的歌啦
tshiùnn tsi̍t-siú bô-tsîng ê kua–lah
聽著我的心內
thiann-tio̍h guá ê sim-lāi
碎去的聲
tshuì khì ê siann
欲問你
beh mn̄g lí
一切敢有影
it-tshè kám ū-iánn
敢講離開了我
kám-kóng lī-khui liáu guá
你就會快活
lí tiō ē khuìnn-ua̍h
你就會快活
lí tiō ē khuìnn-ua̍h
