姊妹愛
《姊妹愛》Tsí-muē Ài
鳳飛飛Hōng Hui-hui
——————————————
姊妹迎春美麗等春夢
tsí-muē gîng-tshun bí-lē tán tshun-bāng
無疑無悟意愛仝一人
bô-gî bô-gōo ì-ài kāng tsi̍t-lâng
今日將愛甘願對妹送
kim-ji̍t tsiong ài kam-guān tuì muē sàng
毋甘害妹破害好花欉
m̄-kam hāi muē phò-hāi hó hue-tsâng
姊妹花蕊本來同根枝
tsí-muē hue-luí pún-lâi tâng kin-ki
蝴蝶害人運命無公平
ôo-tia̍p hāi lâng ūn-miā bô kong-pînn
世間至親是阮妹佮姊
sè-kan tsì-tshin sī gún muē kah tsí
毋甘害妹耽誤青春時
m̄-kam hāi muē tam-gōo tshing-tshun sî
姊妹青春雖然無兩擺
tsí-muē tshing-tshun sui-jiân bô nn̄g-pái
為妹害姊怎樣結將來
uī muē hāi tsí tsuánn-iūnn kiat tsiong-lâi
請你放心照阮的交代
tshiánn lí hòng-sim tsiàu gún ê kau-tài
大來讓細這是合應該
tuā lâi niū sè tse sī ha̍p ìng-kai
