變面
《變面》Pìnn-bīn
詹雅雯Tsiam Ngá-bûn
——————————————
我若是問起你的代誌
guá nā-sī mn̄g khí lí ê tāi-tsì
你的表情就無歡喜
lí ê piáu-tsîng tiō bô huann-hí
好親像我干涉
hó-tshin-tshiūnn guá kan-sia̍p
干涉你私人範圍
kan-sia̍p lí su-jîn huān-uî
我若是關心你的生活
guá nā-sī kuan-sim lí ê sing-ua̍h
你不耐煩轉受氣
lí put-nāi-huân tńg siūnn-khì
敢講我就應該
kám-kóng guá tiō ìng-kai
隨時面對你的變面
suî-sî bīn-tuì lí ê pìnn-bīn
論情敢袂當問
lūn tsîng kám buē-tàng mn̄g
論愛敢有過份
lūn ài kám ū kuè-hūn
無愛莫勉強
bô-ài mài bián-kióng
無緣免苦勸
bô-iân bián khóo-khǹg
莫看袂起這段情
mài khuànn-buē-khí tsit tuānn tsîng
啊~愛人
ah~ ài-jîn
放棄毋甘
hòng-khì m̄-kam
留又無心
lâu iū bô-sim
離開偌遠算偌遠
lī-khui guā hn̄g sǹg guā hn̄g
我袂閣問起你的代誌
guá buē koh mn̄g khí lí ê tāi-tsì
欲做啥物隨在你
beh tsuè siánn-mih suî-tsāi lí
免煩惱我干涉
bián huân-ló guá kan-sia̍p
干涉你私人範圍
kan-sia̍p lí su-jîn huān-uî
我袂閣關心你的生活
guá buē koh kuan-sim lí ê sing-ua̍h
自由自在
tsū-iû tsū-tsāi
放你去
pàng lí khì
從今後
tsiông-kim-āu
我不再繼續面對
guá put-tsài kè-sio̍k bīn-tuì
你的變面
lí ê pìnn-bīn
論情敢袂當問
lūn tsîng kám buē-tàng mn̄g
論愛敢有過份
lūn ài kám ū kuè-hūn
無愛莫勉強
bô-ài mài bián-kióng
無緣免苦勸
bô-iân bián khóo-khǹg
莫看袂起這段情
mài khuànn-buē-khí tsit tuānn tsîng
啊~愛人
ah~ ài-jîn
看破愛別人免疼心
khuànn-phuà ài pa̍t-lâng bián thiànn-sim
離開偌遠算偌遠
lī-khui guā hn̄g sǹg guā hn̄g
