聽歌的人
《聽歌的人》齊豫
《Thiann Kua ê Lâng》Tsê Ū
作詞：許常德tsok-sû：Khóo Siông-tik
作曲：陳小霞tsok-khik：Tân Sió-hâ
————
今夜風 淡薄仔寒
kim-iā hong tām-po̍h-á kuânn
予我想起過去 傷心的一段
hōo guá siūnn-khí kuè-khì siong-sim ê tsi̍t tuānn
吉他佇我的手
gí-tah tī guá ê tshiú
輕輕咧彈
khin-khin teh tuânn
歌猶未唱
kua iá bē tshiùnn
心就淡薄仔疼
sim tō tām-po̍h-á thiànn
.
恁 有人啉酒
lín ū-lâng lim-tsiú
有人恬恬食薰聽我唱
ū-lâng tiām-tiām tsia̍h-hun thiann guá tshiùnn
恁 有人孤單
lín ū-lâng koo-tuann
有的一桌幾若个朋友
ū–ê tsi̍t-toh kuí-lō ê pîng-iú
無論聽歌的人有幾个
bô-lūn thiann kua ê lâng ū kuí ê
我攏會唱出恁的夢
guá lóng ē tshiùnn tshut lín ê bāng
.
今夜請恁共心情輕輕仔放
kim-iā tshiánn lín kā sim-tsîng khin-khin-á pàng
予我的歌載恁出帆
hōo guá ê kua tsài lín tshut-phâng
人生啊若大海
jîn-sing ah nā tuā-hái
有啥風浪想袂完
ū siánn hong-lōng siūnn buē uân
心情若是起風颱
sim-tsîng nā-sī khí hong-thai
目睭瞌瞌只是夢
ba̍k-tsiu kheh-kheh tsí-sī bāng
.
所以啊 聽歌的人
sóo-í ah thiann kua ê lâng
請你毋通問我
tshiánn lí m̄-thang mn̄g guá
傷心是為啥人
siong-sim sī uī siánn-lâng
所以啊 聽歌的人
sóo-í ah thiann kua ê lâng
請你毋通問我
tshiánn lí m̄-thang mn̄g guá
我所唱的敢是我的夢
guá sóo tshiùnn–ê kám-sī guá-ê bāng
.
今夜風 淡薄仔寒
kim-iā hong tām-po̍h-á kuânn
予我想起過去 傷心的一段
hōo guá siūnn-khí kuè-khì siong-sim ê tsi̍t tuānn
吉他佇我的手
gí-tah tī guá ê tshiú
輕輕咧彈
khin-khin teh tuânn
