心聲主唱者
《心聲主唱者》Sim-siann Tsú-tshiùnn-tsiá
詹雅雯Tsiam Ngá-bûn
——————————————
霓虹照夜都市
nê-hông tsiò iā-too-tshī
一片繁華
tsi̍t-phiàn huân-huâ
月光照人生
gue̍h-kng tsiò jîn-sing
空虛孤單
khang-hi koo-tuann
夜露水澹
iā-lōo-tsuí tâm
衫袂焦
sann buē ta
寂寞人的深夜
tsi̍k-bo̍k-lâng ê tshim-iā
我無想我無想
guá bô siūnn guá bô siūnn
無想欲講心事予人聽
bô siūnn-beh káng sim-sū hōo-lâng thiann
講過來傳過去
kóng–kuè-lâi thuân–kuè-khì
不過是別人閒仔話加一段
put-kò sī pa̍t-lâng îng-á-uē ke tsi̍t-tuānn
點唱咱的心情
tiám-tshiùnn lán ê sim-tsîng
當做是心聲主唱者
tòng-tsuè sī sim-siann tsú-tshiùnn-tsiá
悲情快樂由在唱啥
pi-tsîng khuài-lo̍k iû-tsāi tshiùnn siánn
