Song For You
《Song For You》
滅火器樂團 Bia̍t-hué-khì Ga̍k-thuân
——————————————
Look At The Sun Shining So Hard
閃爍的光線
siám-sih ê kng-suànn
照著有夢的人
tsiò tio̍h ū bāng ê lâng
莫閣怨嘆人生
mài koh uàn-thàn jîn-sing
怨嘆嘛無較縒
uàn-thàn mā bô-khah-tsua̍h
青春的年歲
tshing-tshun ê nî-huè
無偌濟冬
bô guā-tsuē tang
When You Fell Down Hitting The Ground
你選擇放棄
lí suán-ti̍k hòng-khì
抑是用命佮伊拚
ia̍h-sī iōng miā kah i piànn
你若感覺孤單
lí nā kám-kak koo-tuann
阮來佮你做伴
gún lâi kah lí tsuè-phuānn
唱一條為你寫的歌
tshiùnn tsi̍t-tiâu uī lí siá ê kua
跋倒你會疼
pua̍h-tó lí ē thiànn
疼著你就驚
thiànn tio̍h lí tō kiann
認輸的人
jīn-su ê lâng
無資格講話大聲
bô tsu-keh kóng-uē tuā-siann
勇氣催予滿
ióng-khì tshui hōo muá
一喙啉予焦
tsi̍t-tshuì lim hōo ta
你需要這條歌
lí su-iàu tsit tiâu kua
Let Me Sing A Song For You
Follow The Sound Spinning Around
你總會揣著
lí tsóng ē tshuē-tio̍h
了解你的彼个人
liáu-kái lí ê hit-ê lâng
你若感覺孤單
lí nā kám-kak koo-tuann
阮來佮你做伴
gún lâi kah lí tsuè-phuānn
唱一條為你寫的歌
tshiùnn tsi̍t-tiâu uī lí siá ê kua
紮著你的愛
tsah tio̍h lí ê ài
朋友攏佇遮
pîng-iú lóng tī tsia
鬧熱的所在
lāu-jia̍t ê sóo-tsāi
無人會孤單
bô-lâng ē koo-tuann
希望你知影
hi-bāng lí tsai-iánn
阮永遠佇遮
gún íng-uán tī tsia
為你唱著歌
uī lí tshiùnn tio̍h kua
Let Me Sing A Song For You
你我做陣
lí guá tsuè-tīn
風雨仝路
hong-hōo kāng lōo
經過遮濟冬
king-kuè tsiah tsē tang
有你做伴
ū lí tsuè-phuānn
艱苦攏無算啥
kan-khóo lóng bô sǹg siánn
欲予全世界
beh hōo tsuân sè-kài
聽著咱的聲
thiann-tio̍h lán ê siann
催到上大聲
tshui kàu siōng tuā-siann
Together Sing A Song
Let Me Sing A Song For You
Let Me Sing A Song For You
Let Me Sing A Song For You
