袂見笑
《袂見笑》Bē-kiàn-siàu
董事長樂團 Táng-sū-tiúnn Ga̍k-thuân
——————————————
白拋拋幼麵麵
pe̍h-phau-phau iù-mī-mī
接載袂條
tsih-tsài bē tiâu
想欲伸過去
siūnn-beh tshun kuè-khì
白拋拋
pe̍h-phau-phau
看起來真滑溜
khuànn–khí-lâi tsin ku̍t-liu
阮的家私
guán ê ke-si
強欲浮上天
kiōng-beh phû tsiūnn thinn
瘦卑巴
sán-pi-pa
有兩枝鳥仔跤
ū nn̄g-ki tsiáu-á kha
搖來搖去
iô lâi iô khì
予人哈甲欲死
hōo-lâng ha kah beh-sí
進口的芳水
tsìn-kháu ê phang-tsuí
有迷人的氣味
ū bê-lâng ê khì-bī
司奶的聲
sai-nai ê siann
敢是咧共阮暗示
kám-sī teh kā guán àm-sī
共伊出招(敢好?)
kā-i tshut-tsiau (kám hó?)
共伊出招(好啦!)
kā-i tshut-tsiau (hó–lah!)
伊的槌仔是我的馬摺(啊插插伊啦!)
i ê thuî-á sī guá ê má-tsih (ah tshap-tshap i–lah !)
伊人佇外島
i lâng tī guā-tó
拜託我共照顧
pài-thok guá kā tsiàu-kòo
顧來顧去
kòo lâi kòo khì
煞顧到眠床頂去
suah kòo kah bîn-tshn̂g-tíng–khì
真見笑真見笑
tsin kiàn-siàu tsin kiàn-siàu
真見笑真見笑
tsin kiàn-siàu tsin kiàn-siàu
袂見笑袂見笑
bē-kiàn-siàu bē-kiàn-siàu
袂見笑袂見笑
bē-kiàn-siàu bē-kiàn-siàu
欲如何對伊交代
beh jû-hô tuì i kau-tài
欲如何對天交代
beh jû-hô tuì thinn kau-tài
共伊出招(敢好?)
kā-i tshut-tsiau (kám hó?)
共伊出招(好啦!)
kā-i tshut-tsiau (hó–lah!)
伊的錘仔是我的馬摺(啊插插伊啦!)
i ê thuî-á sī guá ê má-tsih (ah tshap-tshap i–lah !)
伊人佇外島
i lâng tī guā-tó
拜託我共照顧
pài-thok guá kā tsiàu-kòo
顧來顧去
kòo lâi kòo khì
煞顧甲大腹肚去
suah kòo kah tuā-pak-tóo khì
